बिहीबार थप ४३४ जना भेटिए कोरोना संक्रमित, कुल ३१२ जना निको भए

काठमाडौं । बिहीबार नेपालमा पछिल्लो २४ घण्टामा ४३४ जना कोरोना संक्रमित भेटिएका छन् । जसमा पुरुष ३८६ जना र महिला ४८ जना छन् ।

स्वास्थ्य मन्त्रालयका प्रवक्ता डा. जागेश्वर गौतमका अनुसार पछिल्लो कुल संक्रमितको संख्या ११ हजार १६२ पुगेको छ ।

त्यसैगरी उपचारपछि निको हुनेमा पछिल्लो २४ घण्टामा ३१२ जना छन् । जसमा महिला ४८ जना र पुरुष २९३ जना उपचारपछि निको भएका हुन् । निको हुने २ हजार ५६० कुल संख्या हजार पुगेको छ ।

कोरोना भाइरसको संक्रमण भएका थप दुई जना पुरुषको निधन भएको छ । योसमेत नेपालमा कोरोना संक्रमण भएर मृत्यु हुनेको संख्या २६ पुगेको छ ।

पोखरा स्वास्थ्य विज्ञान प्रतिष्ठानमा ५५ वर्षीय एक पुरुष र ललितपुरको पाटन अस्पतालमा ५० वर्षीय एक पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ ।

हालसम्म नेपालमा बागमति प्रदेशको रसुवा जिल्ला बाहेक ७६ वटै जिल्लामा कोरोना भाइरस संक्रमित भेटिएको छ ।