माघ १ गतेदेखि खुलामञ्चमा गाडी पार्किङ गर्न नपाइने

काठमाडौं । बुधबारदेखि खुलामञ्चमा सवारी साधान पार्किङ गर्न नपाइने भएको छ । काठमाडौं महानगरपालिकाले आगामी पर्सी बुधबारदेखि खुलामञ्चमा सवारी साधन पार्किङ गर्न निषेध गरेको हो ।

गत कात्तिकदेखि शुरु भएको अकुपाइ टुँडिखेलका अभियन्ताहरुले खुलामञ्चलाई खाली गराउन जोड दिँदै आएकोमा कामनपाले माघ १ गतेदेखि गाडी पार्किङमा रोक लगाउने भएको हो ।

खुलामञ्चमा अतिक्रमण भइरहेको र यसलाई जोगाउनका लागि समेत गाडी पार्किङ हटाउन लागिएको हो । खुलामञ्च कार्यक्रम गर्ने स्थल भएकाले गाडी पार्किङमा रोक लगाइने भएको हो ।

हाल खुलामञ्चमा बसपार्कसँगै, निर्माण सामग्रीसँगै अनधिकृत पार्किङ भइरहेको छ ।