सहर फोहोर गर्नेलाई महानगरले तिरायो ५८ हजार जरिवाना

काठमाडौं । अनाधिकृत रुपमा होर्डिङ बोर्ड राख्ने, भित्तामा पोष्टर टाँस्ने वा लेख्ने र जथाभावी फोहोर गर्नेलाई काठमाडौ महानगरपालिकाले जरिवाना तिराएको छ ।

महानगरपालिकाले काठमाडौं क्षेत्रका १० व्यक्ति तथा संस्थाहरुलाई प्रक्राउ गरी कारबाही स्वरुप जरिवाना तिराएको हो । जसमा महानगरले प्रक्राउ गरी ५८ हजार रुपैयाँ हर्जाना तिराएको हो ।

महानगराको करबाहीमा पर्नेमा काठमाडौं पूर्व क्षेत्रका २, पश्चिमका २, मध्ये क्षेत्रका ५ व्यक्ति तथा संस्थाहरु परेका हुन् । पक्राउ परी भ्याली इस्टिच्युट चाबहिललाई १० हजार रुपैयाँ र रेवत बस्नेतले १ हजार रुपैयाँ बुझाएका छन् ।

यस्तै माटो फ्याकिरहेको जेसीभीलाई २५ हजार रुपैयाँ, खेम रावललाई ३ हजार रुपैयाँ, जेभियर कलेजलाई ५ हजार, सुर्य मल्टी परपोसलाई २ हजार, गोल्डेन गेट कलेजबाट २ हजार रुपैयाँ, स्क्मान जब मल्टिपरपोसबाट २ हजार र खेमप्रसाद श्रेष्ठबाट ३ हजार रुपैयाँ करबाही स्वरुप जरिवाना तिराएको हो ।