अग्रवाल सेक्यूरिटीजको शाखा कार्यालय जनकपुरमा

काठमाडौं । जनकपुरमा सेयर ब्रोकरको शाखा कार्यालय स्थापना भएको छ । आइतबार जनकपुरमा अग्रवाल सेक्यूरिटीज (ब्रोकर नम्बर–६) को शाखा कार्यालय उद्घाटन भएको छ ।

उक्त शाखाको उद्घाटन गर्दै नेपाल पुँजी बजार लगानीकर्ता संघकी अध्यक्ष राधा पोखरेलले जनकपुरमा मात्र नभएर देशको दुरदराज क्षेत्रमा पनि ब्रोकर अफीस खोल्न आवश्यक भएको बताइन ।

जनकपुरमा उक्त ब्रोकरको शाखा खोल्न पनि आफूले विगत ८ महिनादेखि सहयोग गरेको र त्यसका लागि नेपाल स्टक एक्सचेन्ज (नेप्से), धितोपत्र बोर्डमा पटक पटक गएर कुरा गरेको स्मरण गरिन् ।