यसकारण नपिउनुहोस् पेप्सी र कोक
काठमाडौं । तपाई दैनिक के कति मात्रामा गुलियो पदार्थ पिउने गर्नु भएको छ । सामान्य पिउँदा त कुनै समस्या नपर्ला तर धेरै मात्रामा गुलियो पदार्थ पिउने गर्नु भएको छ भने त्यो तपाईका लागि काल बन्ने कुरामा दुविधा रहेको छैन ।
पछिल्लो पटक गरिएको उटा नयाँ अनुसन्धानले गुलियो पेयपदार्थका कारण असामयिक निधन हुने सम्भावना बढाउने देखाएको छ ।
हार्भर्ड विश्ववद्यालयको टीएच चान स्कूल अफ पब्लिक हेल्थले गत महिना प्रकाशित गरेको अनुसन्धानमा मानिसहरूले जति धेरै गुलियो पेयपदार्थ पिउँछन् उनीहरूमा असामयिक निधन हुने खतरा उति नै धेरै बढ्ने देखिएको बिबिसीले जनाएको छ ।
सो अनुसन्धानका लागि ३० वर्ष उमेरभन्दा माथिका ३७ हजार पुरुष र ८० हजार महिलाबाट तथ्यांक संकलन गरिएको थियो ।
महिनामा एक पटकभन्दा कम पिउनेभन्दा महिनामा १ देखि ४ पटक पिउनेहरूमा खतरा १ प्रतिशतले बढ्ने, हप्ताको २ देखि ६ पटक पिउनेहरूमा खतरा ६ प्रतिशत बढ्ने, दिनमा एक वा दुई पटक पिउनेहरूमा १४ प्रतिशत खतरा बढ्ने र दैनिक दुईभन्दा बढी पटक पिउनेहरूमा २१ प्रतिशत खतरा बढ्ने पाइएको प्रमुख अनुसन्धानकर्ता वसन्ती मलिकले जानकारी दिएकी छिन् ।
अनुसन्धानले गुलियो पेयपदार्थ र मुटुसम्बन्धी समस्याबाट हुने असामयिक निधनका बीच गहिरो सम्बन्ध एवम् क्यान्सरबाट मृत्यु हुने सम्भावना रहेको देखाएको छ ।
संसारभरि गुलियो पेयपदार्थको खपत बढिरहेको छ । सन् २०१८ मा संसारभरि औसतमा एक व्यक्तिले वार्षिक ९१.९ लिटर गुलियो पेयपदार्थ पिउने युरोमोनिटर इन्टरनेशनले जनाएको छ ।
हार्भर्डको अध्ययनले चिनी कम भएका पेयपदार्थ खाँदा कम खतरा देखिए पनि उक्त प्रकारको पेयको विश्वव्यापी खपत औसतमा प्रतिव्यक्ति प्रतिवर्ष ३.१ लिटर मात्रै रहेको जनाएको छ ।
तर तथ्याङ्कले के देखाउँछ भने चीनमा सन् २०१७ मा चीनमा बोतलको पानीको खपत प्रतिवर्ष प्रतिव्यक्ति औसत ३०.८ लिटर मात्रै छ ।
यूके र चिलीसहित अन्य धेरै राष्ट्रमा गुलियो पेयमा चिनीकर लाग्छ । सन् २०१५ मा ल्यान्सेट जर्नलमा प्रकाशित प्रतिवेदनमा अमेरिकीहरूले गुलियो पेयपदार्थबाट दैनिक औसतमा १५७ क्यालरी प्राप्त गर्ने तथ्यांक थियो ।
त्यति क्यालरी प्राप्त गर्नका लागि दिनमा एउटाभन्दा बढी कोला पिउनुपर्छ ।
कोका कोलाको ३३० मिलिलिटरको बोतलमा ३५ ग्राम वा सात चम्चाबराबर चिनी हुन्छ । विश्व स्वास्थ्य संगठनका अनुसार दिनमा ५० ग्रामभन्दा बढी चिनी खानुहुँदैन । तर अमेरिकाभन्दा धेरै चिनी खाने देशरू पनि छन ।
चिलीमा दैनिक प्रतिव्यक्ति खपत १८८ क्यालोरी थियो । तर यो चिलीले चिनी कर लगाउनु अगाडिको तथ्यांक चिनीकरपछि चिलीमा गुलियो पेयपदार्थको खपत २१ प्रतिशतले घटेको थियो । संसारका ३० देशमा चिनीमा कर लाग्छ ।
गुलियो पेयपदार्थको बालबालिका र किशोरकिशोरीमा पार्ने असरबारे विश्वभरि चिन्ता व्यक्त हुने गरेको छ ।
विश्व स्वास्थ्य संगठनका अनुसार सन् १९७५ मा मोटोपन भएका पाँचदेखि १९ वर्षका व्यक्ति एक करोड १० लाख रहेकोमा सन् २०१६ मा त्यो सङ्ख्या १२ करोड ४० लाख पुगेको थियो ।
तर गुलियो पेयपदार्थको असर मोटोपनभन्दा घातक हुनसक्ने हार्भर्डको अध्ययनले देखाएको छ । बिबिसीबाट
पुष्प दुलाल
