अनलाइनबाट भुक्तानी सुरु हुने दिन नेप्सेमा देखिएन उत्साह,परिसूचक १.३६ अंकले घट्यो

काठमाडौं । नेपाल स्टक एक्सचेन्ज(नेप्से)ले आजदेखि सेयर कारोबारमा अनलाइनबाट भुक्तानी गर्न सकिने व्यवस्था लागु गरेको छ ।

तर,नेप्से परिसूचकमा भने अनलाइन कारोबार हुन थालेको छनक भनेको देखिएन । मंगलबार नेप्से परिसूचक १.३६ अंकले ओरालो लागेको छ । नेप्से परिसूचक ११८५.३१ बिन्दुमा आइपुगेको छ ।

१५६ कम्पनीको सेयर किनबेच भएको नेप्सेमा २२ करोड रुपैयाँको सेयर कारोबार भएको थियो ।

जीवन,निर्जीवन तथा लघुवित्त समुहको परिसूचक उकालो लागेपनि अन्य सबै समुहको परिसूचक ओरालो लागेको छ । नेप्सेमा कारोबार रकमको आधारमा नेपाल लाइफ इन्स्योरेन्स १ करोड २१ लाखको कारोबारबाट अगाडि रहेको छ ।