सिटी एक्सप्रेस मनी ट्रान्सफर र मलेसियाको भ्यालू बिच रेमिटान्स सम्झौता

काठमाडौ । मलेसियाको ख्यातिप्राप्त रेमिटान्स कम्पनी भ्यालू र नेपालकाे  सिटी एक्सप्रेस मनी ट्रान्सफर बिच सम्झौता भई रेमिटान्स सेवा सुरु भएको छ ।

भ्यालूको मलेसिया भरी २००० एजेन्ट् लोकेशन्हरु छन् साथै आफ्नै मोबाईल एप् र ईन्टरनेट बैंकिङ्को पनि सेवा उपलब्ध छ । यो सेवा सुरु भएपछि मलेसियाबाट नेपालमा सिटी एक्सप्रेस मनी ट्रान्सफरको ६००० भन्दा बढि एजेन्टहरु मार्फत सिधैं भुक्तानी लिन सकिने छ । साथै सेवाग्राहीले कुनै पनि बंैकको खातामा रकम जम्मा गर्न सक्नेछन ।

हस्ताक्षर समारोहमा सिटी एक्सप्रेसको तर्फबाट सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डन र भ्यालूको तर्फबाट प्रमुख कार्यकारी अधिकृत प्रसन्न रावोले हस्ताक्षर गरेपछि औपचारिक शुरुवात भएको हो । भ्यालुले सिटी एक्सप्रेस संग सिधा रेमिटान्स सम्झौता भएकोमा खुशी ब्यक्क्त गर्दै आगामी दिनहरुमा सिटी एक्सप्रेससंग नयाँ प्रविधि अनुसार सहकार्य गर्दै जाने जानकारी दिएको छ ।

सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउदै बिगत १२ वर्ष देखि बिश्व भरी आफ्नो रेमिट एजेन्ट्हरु बाट ६००० भन्दा बढी नेपालको एजेन्ट्हरु मार्फत भुक्तानी प्रदान गर्दै आइरहेकाे छ ।