प्रतिस्प्रर्धामा तीन मोटरसाइकल जिक्सर, हर्नेट र एफजेडएस, कसको बिशेषता के ?

काठमाडौं । नाडा अटो शो २०१७ मा सवैभन्दा बढी युवापुस्ताको आर्कषण तीन मोडल का बाइकमा देखिएको छ । नयाँ पुस्ताका लोकप्रिय सुजुकी जिक्सर, होन्डाको सिबी हर्नेट र यामाहा एफजेडएस बाइकमा सवैको आर्कषण देखिएको छ ।

नेपाली उपभोक्तामाझ १५० देखि १६० सीसीको बाइकहरु निकै लोकप्रिय रहेको देखिन्छ । औषत मूल्य, उच्च माइलेज, पावरफुल, स्टाइलिस लगायतका गुणले भरिपूर्ण हुने हुँदा उक्त सेगमेन्टका बाइकहरु यूवाहरु तानिएका हुन् ।

पछिल्लो समय यो सेगमेन्टका बाइक महंगा बाइककै डिजाइनमा भित्रिन थालेका छन् । यो सेगमेन्टका मोटरसाइकलको कुल व्यापारमा २५ देखि ३० प्रतिशत हिस्सा ओगट्ने दाबी कम्पनीले गर्दछन् । नेपालमा उपलब्ध अधिकांश ब्रान्डले यो सेगमेन्टका बाइकहरु भित्राएका छन् ।

यामाहाले विगतका वर्ष देखिनै ल्याएको एफजेडएस मोडलको युवा पुस्तामाझ लोकप्रिय बन्दै गएपछि दुई वर्ष अगाडी सुजुकी जिक्सर मोडल सार्वजनिक भएको थियो । भने एकवर्ष अगाडी होन्डको सिबी हर्नेट सार्वजनिक गरेको छ । तीन मोडलले विश्वभर प्रतिस्प्रर्धा गरीरहेको वेला नेपाली बजार समेत एकवर्ष देखि तताएको छ ।

तीन वटै मोडलहरु स्टाइलिस, राम्रो परफरमेन्स, राम्रो माइलेज र पिकअपको साथै मध्यम खालको बजेटका कारण पनि विशेष लोकप्रिय बनेका छन् । खासगरी कलेज पढ्ने विद्यार्थीको साथै रोजगारीमा संग्लनको लागि पनि विशेष महत्व राख्दछ ।

मोटरसाइकलमा १ सय ५० सीसी देखि १ सय ६० सीसी इन्जिन क्षमताको कारणले तेल धेरै दिनुका साथै शहरी इलाका र ग्रामीण भेगमा समेत मोटरसाइकलको छुट्टै महत्व रहेको छ ।

झन्डै उस्तै छन विशेषता

होन्डको सिबी हर्नेट

होन्डा बाइकको नेपालका लागि आधिकारिक बितरक स्याकार ट्रेडिङ कम्पनीले नेपालमा नयाँ बाइक सिबी हर्नेट १६० आर एकवर्ष अगाडी देखि मात्र बिक्री सुरु गरेको हो ।

नयाँ सिबी हर्नेट १६० आर आफ्नो एग्रेसिभ स्टाइलिङ र पर्फमेन्सका साथ आएको छ । एग्रेसिभ स्टाइलिङ, सार्प हेडल्याम्प्स, मस्कुलर फ्युल ट्यांकका साथै एक्स आकारको एलईडी टेल ल्याम्प्सका कारण यसको लुक्स नै फरक देखिएको छ ।

विशेष गरी यसको फ्युल ट्यांकको डिजाइनका कारण धेरैको रोजाइमा पर्ने गरेको छ । यसको एक्स आकारको टेल ल्याम्पका कारण पछाडिबाट हेर्दा समेत स्टाइलिस देखिएको छ ।

यसमा डिस्क ब्रेक, एलोई ह्विल र इलेक्ट्रिक स्टार्ट जस्ता विभिन्न विशेषता समेत उपलब्ध छन् । ट्यांकी क्षमता १२ लिटर रहेको छ । नेपालमा यसको मूल्य २ लाख ६५ हजार ९ सय रुपैयाँ रहेको छ ।

सुजुकीको जिक्सर

भीजी अटोमोबाइल्सले सार्वजनिक गरेको फुलफेर्ड सुजुकी जिक्सर एसएफ बाइक नेपाली उपभोक्तामाझ चर्चामा छ । १ सय ५५ सीसी क्षमताको यो बाइकलाई स्ट्रिट स्पोटर््स बाइक हो ।

स्टाइलिश लूक्स र स्पोर्टी बनावट भएको बाइकले उत्कृष्ट माइलेज समेत दिने कम्पनीको दाबी छ । यो बाइक विश्वप्रसिद्घ हायाबुसा, जिक्सर एक्सआर र मोटो जीपी मेशिनको निर्माण प्रविधिको प्रयोग गरी उत्पादन गरिएको हो । विण्ड प्रोटेक्शन तथा टर्बुलेन्स र ड्र्याग प्रतिरोधात्मक डिजाइनमा तयार गरिएको यो बाइकमा उत्कृष्ट एरोडाइनामिक इफिसियन्सी रहेको छ ।

मेटालिक ट्रिटन ब्लू, पर्ल मिराज ह्वाइट र ग्लास स्पार्कल ब्ल्याक गरी तीन भिन्न रङमा यो बाइक बजारमा उपलब्ध छ । नयाँ जिक्सर एसएफको सीमित (लिमिटेड एडिशन) मोटो जीपी संस्करण पनि बजारमा आएको छ ।

झट्ट हेर्दा स्पोर्टी लूक्स दिने यो बाइकको डिजाइन जीएसएक्स १००० आर सिरिजबाट प्रेरित रहेको देखिन्छ । नेपाली सडकमा यो बाइकले औसत ६५ किमी प्रतिलिटर माइलेज दिने कम्पनीको दाबी छ । यसमा स्मार्ट डिजिटल मिटर, एलईडी टेल ल्याम्प, मोनो सकलगायत प्रविधिको प्रयोग गरिएको छ ।

यसमा जीएसएक्सआर र मोटोजीपीमा प्रयोग गरिएकोे विण्ड टनेल प्रविधिको प्रयोग गरिएको छ । यसले चालकलाई हावाबाट बचाउन मद्दत गर्छ । साथै, बाइक घिस्रिएको बेला चालकलाई सुरक्षासमेत प्रदान गर्छ ।

सुजुकीले बाइकमा एड्भान्स सिङ्गल सिलिण्डर इञ्जिन र एसईपी (सुजुकी इको पर्पmर्मेन्स) प्रविधिको प्रयोग गरेको छ । कम्पनीका अनुसार यस प्रविधिले इन्धनको खपतमा कमी ल्यानुका साथै बाइकको माइलेज बढाउन मद्दत गर्छ ।

एसईपी प्रविधियुक्त हलुका तर मजबूत इञ्जिनले थोरै पेट्रोलमा धेरै शक्ति प्रदान गर्छ । ५ गियर भएको बाइकमा १२ लिटर इन्धन सञ्चय क्षमताको ट्यांकी छ । यसको मुल्य २ लाख ६५ हजार ९ सय देखि २ लाख ९२ हजार ९ सय रुपैयाँ सम्म रहेको छ ।

यामाहा एफजेडएस

विगत लामो समय देखि यामाह यामाहाको एफजेडएस मोडलको बिक्री गरिरहेको छ । नेपालका लागि यामाहाको आधिकारिक विक्रेता एमए डब्लुले यामाहाको एफजेडएस एफआई भर्सन २ र एफजेड एफआई भर्सन २, एफजेडएस १६ एफआइई भर्सन मोटरसाइकल नेपाली बजारमा बिक्री गरिरहेको छ । एफजेडएस मोटरसाइकल १ सय ४९ सीसीका हुन् । एफजेडएस एफआईको स्पेसल इडिसनको मूल्य २ लाख ६९ हजार ४ सय तथा एफजेड एफआईको २ लाख ५६ हजार ९ सय तोकिएको छ ।

मोटरसाइकलमा ब्लु कोर फ्यूल इन्जेक्टेड इन्जिन रहेको छ । यो प्रविधि यामाहाको नेक्स्ट जेनेरेशन इन्जिन टेक्नोलोजीमा आधारित रहेको छ । यो मोटरसाइकल पिकअप र आरामदायी यात्राका लागि उपयुक्त रहेको छ ।

एफजेडएस एफआई भर्सन दुई मोटरसाइकल विभिन्न चार रंगमा तथा एफजेड एफआई दुई रंगमा उपलब्ध रहेको छ । यो बाइक अफरोडमा समेत राम्रोसँग कुदाउन सकिन्छ । यो सेगमेन्टका बाइकमा डिजीटल डिस्प्ले, अटो अनअफ, डिसब्रेक लगायत धेरै सुविधाहरु हुन्छन । बाइकको ट्यांकी क्षमता १२ लिटरको रहेको छ ।