जहाज खरिद गर्न संचय कोषले निगमलाई दियो १२ अर्ब ऋण
काठमाडौं । नेपाल वायुसेवा निगमको जहाज खरिदको लागि कर्मचारी संचय कोषसँग ऋण सम्झौता भएको छ ।
कर्मचारी संचय कोषले वायुसेवा निगमलाई जहाज खरिद गर्न १२ अर्ब रुपैयाँ ऋण दिने भएको हो ।
यसको ब्याजदर ९ प्रतिशत छ ।
निगमलाई नागरिक लगानी कोषले पनि जहाज खरिदको लागि ऋण दिने छ । १२ अर्ब रुपैयाँ ऋण नागरिक लगानी कोष दिने सहमति भएको छ । यसको सम्झौता भने भएको छैन । नागरिक लगानी कोषसँग भोलि सम्झौता हुने छ ।
निगमले खरिद गर्न लागेको एयबस ३३०-२०० सिरिजको दुई थान वाईडबडी जहाज खरिद गर्न लागेको हो ।
निगम र अमेरिकन लिजिङ कम्पनी एएआर कर्पोरेसनबीच खरिद सम्झौता गरेको थियो ।
दुई ठुला वाईडबडी जहाज एयरबस ३३०-२०० सिरिजको जहाज खरिदको लागि निगमलाई स्रोतको व्यवस्थापन भएको छ ।
संचय कोष र नागरिक लगानी कोषले सरकारको जमानीमा निगमलाई ऋण दिएका हुन् । निगमले दुई जहाज थपेपछि युरोपमा उडान गर्ने जनाएको छ ।
पहिलो पटक खरिद गर्न लागिएको वाईबडी जहाज निगमले २० करोड ८० लाख १६ हजार डलर अर्थात २२ अर्व ६३ करोड रुपैयाँमा खरिद गर्न लागेको हो ।
क्लिकमान्डु
