१ लाख ४० हजारले अबलोकन गरे क्यान ईन्फोटेक, सोमबार बिजनेश डे

राजधानीको भृकुटीमण्डपमा जारी “सुबिसु क्यान ईन्फोटेक २०१७ ईन एशोसिएशन विथ सामसुङ” को आज तेश्रो दिन व्यवसायीहरुले नगद छुट, निःशुल्क जडान, फ्रि सर्भिस, उपहार लगायतका अफरहरु ल्याएका हुन् ।

आज तेश्रो दिन ६९ हजार ४ सय ७८ जनाले अवलोकन गरेको आयोजकको दाबी छ । आज सम्म १ लाख ३९ हजार ७ सय ५० जनाले मेलाको अवलोकन गरिसकेको क्यानको दाबी छ ।

ईन्फोटेकको शिर्ष प्रायोजक सुविसु केवलनेटले प्रदर्शनीमा ल्याएको इन्टरनेट र क्लियर टिभीको जम्बो अफरमा अवलोकनकर्ताको आकर्षण देखिएको छ । सुबिसुले मात्र रु. ७९९९ मा यो कम्बो अफर ल्याएको छ । त्यसैगरी नेपाली उपभोक्ताहरुका लागि लक्षित गरी ल्याइएका सामसुङका स्मार्टफोनहरुमा पनि अवलोकनकर्ताको घुइचो लागेको छ । सामसुङले इन्फोटेकमा ६ जिबी ¥याम भएको सी ९ प्रो र ग्यालेक्सी अन सेमेन प्रो र जे २ एस मोबाइलको पनि विशेष छु्टसहित प्रदशनी गरिरहेको छ ।

सामसुङका अतिरिक्त हुवावे, ओप्पो, मेइजु, लेनोभो, माइक्रोम्याक्स, वानप्लस, एमआइ, ब्लाकभ्यूलगायतका स्टलहरुमा आज शनिबार अवलोकनकर्ताको भिड देखियो ।

सोमबार बिजनेश डे
जारी क्यान इन्फोटेकमा भोली आइतबारलाई बिजनेश डे घोषणा गरिएको छ । उक्त दिनको प्रवेश शुल्क रु १००÷– तोकिएको छ । उक्त दिन विशेष गरी बिजनेश हाउसेसहरुले आफ्नो व्यापार प्रवद्र्धनकोे लागि विभिन्न डिलर र भेन्डरहरुसँग प्रत्यक्षरुपमा बिजनेश डिल गर्न सक्नुहनेछ । यो दिनको टिकट मूल्य सबैका लागि रु. १०० तोकिएको
छ ।

आइसीटी सम्मेलन २०१७
१७औं क्यान आइसिटी कन्फरेन्स भोली र पर्सी (माघ १६ र १७) मा हुने भएको छ । नेपालको सूचना तथा सञ्चार प्रविधि क्षेत्रको विकास, विस्तार र प्रवद्र्धनका लागि आवश्यक रणनीति निर्माणका निम्ती सार्थक अन्र्तक्रिया गर्ने उद्धेश्यले वर्षेनी आयोजना गर्दै आएको यस संस्करणको क्यान आई.सी.टी कन्फेरेन्स सोल्टी क्राउन प्लाजा, काठमाण्डौंमा हुने छ ।