२५.१० प्रतिशतले नाफा बढ्दा सेयरधनीले वाणिज्य बैंकबाट प्राप्त गर्ने लाभांश घट्ने
काठमाडौं । गत आर्थिक वर्षमा बैंकहरुले कमाएको नाफाको विवरण सार्वजनिक भयो । बैंकहरुले जहिले पनि ऋणीलाई मारेर कमाएको आरोप लाग्छ ।
२८ वटा वाणिज्य बैंकको नाफा आर्थिक वर्ष २०७४/७५ को तुलनामा आर्थिक वर्ष २०७५/७६ मा २५.१० प्रतिशतले बढेको छ ।
२८ वटा बैंकले गत वर्ष ६५ अर्ब ४० करोड रुपैयाँ नाफा कमाएका छन् । तर, बैंकहरुले सेयरधनीलाई वितरण गर्न मिल्ने नाफा भने अघिल्लो वर्षको तुलनामा घटेको छ । अझ पूर्ण रुपमा लेखा परिक्षण हुँदा यो रकम अझै घट्ने छ ।
गतवर्ष बैंकहरुको नाफाबाट सेयरधनीले ४७ अर्ब ६७ करोड रुपैयाँ लाभांश वापत प्राप्त गर्न सक्छन् । बैंकहरुले नगद तथा बोनस सेयर जुन दिएपनि दिनसक्ने क्षमता भनेको ४७ अर्ब ६७ करोडमात्र हो ।
अघिल्लो वर्षको तुलनामा बैंकहरुको लाभांश क्षमता ४.५४ प्रतिशतले घटेको छ ।
धेरैको बुझाई बैंकले गरेको अर्ब रुपैयाँको नाफामा छ । तर,बैंकले त्यो अर्ब रुपैयाँ नाफा कमाउनको लागि गरेको लगानीमा भने कसैले ध्यान दिएको छैन ।
एउटा उदाहरण लिऔं । नेपाल इन्भेष्टमेन्ट बैंकले ३ अर्ब ४१ करोड रुपैयाँ गत आर्थिक वर्षमा नाफा कमाएको छ । ३ अर्ब ४१ करोड रुपैयाँ नाफा गर्दा नेपाल इन्भेष्टमेन्ट बैंकले सेयरधनीलाई वितरण गर्न गरेर कमाएको नाफा १ अर्ब ३९ करोड रुपैयाँ हो । जसबाट बैंकले सेयरधनीलाई दिने लाभांश क्षमता भनेको १०.८१ प्रतिशत हो । लेखापक्षिण हुँदा बैंकले १० प्रतिशतपनि लाभांश दिन मुस्किल पर्ने अवस्था छ ।
नेपाल इन्भेष्टमेन्ट बैंकले ३ अर्ब ४१ करोड रुपैयाँ नाफा गर्नको लागि लगाएको पूँजी १२ अर्ब ८६ करोडको पूँजी र १० अर्ब ९५ करोड रुपैयाँको रिजर्ब हेर्दा बैंकले २३ अर्ब लगानी गरेर जम्मा ३ अर्ब ४१ करोड नाफा गरेको हुन्छ ।
२८ वटा वाणिज्य बैंकहरुले यो वर्ष सेयरधनीलाई दिन सक्ने प्रतिफल भनेको १८.९२ प्रतिशत हो । जसमा पूर्ण सरकारी लगानीको वाणिज्य बैंकले ४० प्रतिशत लाभांश सरकारलाई मात्र दिन्छ । वाणिज्य बैंकले ३ अर्ब ६१ करोड रुपैयाँ लाभांश दिने क्षमता राख्छ ।
वाणिज्य बैंक सेयर बजारमा सूचिकृत नभएको हुँदा १८.२१ प्रतिशत मात्र लाभांश क्षमता वाणिज्य बैंकहरुको रहेको छ ।
सानिमा बैंकका प्रमुख कार्यकारी अधिकृत भुवन दाहाल बैंकको आम्दानी घटेपनि अर्बको मात्र नाफा देखेको हुँदा बैंकहरुको बढी नाफा गरेको आरोप लाग्ने गरेको बताउँछन् ।
बैंकले सेयरधनीलाई दिने लाभांश अघिल्लो वर्षभन्दा घटेको छ, अर्ब नाफा गर्दा कति प्रतिशतको प्रतिफल छ त्यो पनि हेनुपर्ने हो,’ दाहालले क्लिकमाण्डूसँग भने ।
बैंकहरुको यो वर्षको रिर्टन अन इक्विटी १७.२१ प्रतिशत छ । अघिल्लो वर्ष १५.३८ प्रतिशत रहेको थियो ।
सेयर बजारका जानकार दिलिप मुनकर्मी वैंकहरुबाट यो वर्ष सेयरधनीले औसतमा १५ प्रतिशत मात्र लाभांश पाउने अवस्था रहेको बताउँछन् ।
‘सेयर लगानीकर्ताको दृष्टिकोणबाट अर्ब रुपैयाँ नाफा हुँदापनि बैंकहरुको प्रतिफल विगतमा जस्तो वर्ष हुँदैन, कुनैबेला ५०÷६० प्रतिशत प्रतिफल दिने बैंकहरुलाई २०÷२५ प्रतिशत दिन समेत मुस्किल परेको छ,’उनले भने ।
२८ वटा वाणिज्य बैंकमा राष्ट्रिय वाणिज्य बैंक बाहेक सबै सूचिकृत छन् ।
प्रकाशित भएको वित्तीय विवरणमा सबैभन्दा बढी लाभांश क्षमता नबिल बैंकको छ । नबिल बैंकले यो वर्ष ३५.३४ प्रतिशत लाभांश दिने क्षमता राख्छ ।
नेपाल बैंकको पनि वितरणयोग्य नाफा ३ अर्ब ४५ करोड छ । यस हिसाबले नेपाल बैंकले ३५.१८ प्रतिशत लाभांश दिने क्षमता राख्छ । एभरेष्ट बैंकले २६.९९ प्रतिशत, हिमालयन बैंकले २४.९३ प्रतिशत लाभांश दिने क्षमता राख्छ ।
| Bank | Dividend |
| Rastriya Banijya Bank | 40.17 |
| Nabil | 35.34 |
| Nepal Bank | 35.18 |
| Everest | 26.99 |
| Himalayan | 24.93 |
| Nepal SBI | 24.37 |
| NIC Asia | 24.37 |
| Global IME | 23.47 |
| Agricultural Dev | 22.92 |
| Standard Chartered | 22.5 |
| Sanima | 20.32 |
| Prabhu | 19.5 |
| Siddhartha | 18.58 |
| Prime | 17.18 |
| Nepal Credit & Commerce | 17.09 |
| Machhapuchchre | 16.39 |
| Bank of Kathmandu | 16.13 |
| Sunrise | 13.71 |
| NMB | 13.25 |
| Citizens | 13.37 |
| Mega | 13.07 |
| Laxmi | 12.96 |
| Nepal Bangladesh | 12.86 |
| Janata | 12.16 |
| Kumari | 11.13 |
| Nepal Investment | 10.81 |
| Civil | 6.95 |
| Century | 6.36 |
क्लिकमान्डु
