कोरियन भाषा परीक्षा तोकियो (केन्द्रसहित)

काठमाडौं । रोजगारीका लागि कोरिया जान भाषाको तयारीमा रहेका परीक्षार्थीहरुको जेठ २५ र २६ गते दुई दिन परीक्षा हुने भएको छ ।

वैदेशिक रोजगार विभाग ईपिएस शाखाका अनुसार उपत्यका र उपत्यका बाहिर पोखरामा परीक्षा दिन पाइने व्यवस्था गरिएको छ । उपत्यका (काठमाडौं, ललितपुर)का २८ र पोखराका ४ स्थानमा परीक्षा केन्द्र तोकिएको छ ।

सबै परीक्षा केन्द्रमा दुई दिनसम्म परीक्षा हुने र एक दिनमा पहिलो र दोस्रो गरी दुई सिफ्टमा हुनेछ । पहिलो सिफ्ट बिहान ८ बजेदेखि सुरु हुने छ । बिहान ८ बजदेखि एक घन्टा परीक्षार्थीहरुलाई अभिमुखीकरण दिइने र १० बजेबाट मात्र परीक्षा सुरु हुनेछ ।

यस्तै दोस्रो सिफ्ट बिहान ११ः ३० देखि सुरु हुने छ । जसमा एक घन्टा परीक्षार्थीहरुलाई अभिमुखीकरण दिइने छ र १३ः३० बाट परीक्षा सुरु हुने ईपिएस शाखाले जनाएको छ ।