१३ वटा बैंकको चैतको विवरण आयो, १९.७५ प्रतिशतले बढ्यो नाफा (सूचिसहित)

काठमाडौं । चैत मसान्तसम्ममा वाणिज्य बैंकहरुको नाफा १९.७५ प्रतिशतले बढेको छ ।
अहिलेसम्म चैत मसान्तको विवरण प्रकाशित गरेका बैंकहरुको विवरण हेर्दा १९.७५ प्रतिशतले अघिल्लो वर्षको चैत मसान्तको तुलनामा नाफा बढेको देखिएको हो ।

विवरण प्रकाशित गरेका बैंकहरुमा सबैभन्दा बढी नाफा नेपाल बैंकले २ अर्ब २४ करोड रुपैयाँ नाफा कमाएको छ । बैंकको अघिल्लो वर्षको तुलनामा नाफा घटेको छ । नेपाल बैंकले अघिल्लो वर्षको चैत मसान्तमा २ अर्ब ५६ करोड रुपैयाँ नाफा गरेको थियो ।

नेपाल बैंक बाहेक विवरण प्रकाशित गरेका बैंकहरुमा सबै बैंकको नाफा बढेको छ । १३ वटा बैंकले चैत मसान्तसम्ममा १८ अर्ब ७४ करोड रुपैयाँ नाफा गरेका छन् । अघिल्लो वर्षको चैत मसान्तमा नाफा १५ अर्ब ६५ करोड रुपैयाँ थियो ।

चैत मसान्तसम्मको विवरणको आधारले १३ वटा बैंकले सेयरधनीलाई बाड्न मिल्ने नाफा १२ अर्ब ८६ करोड रुपैयाँ गरेका छन् । यस आधारले औसतमा बैंकहरुले यो वर्ष १२ प्रतिशत लाभांश सेयरधनीलाई दिनसक्छन् ।

विवरण प्रकाशित भएका बैंकहरुमा सिटिजन्स बैंकको मात्र नाफाको बृद्धि सामान्य बढेको छ । अन्य बैंकको नाफा उत्साहजनक बढेको छ ।