राष्ट्रपति सीसँग वार्ता गर्न चीन पुगे ट्रम्प

एजेन्सी । राष्ट्रपति डोनल्ड ट्रम्प बुधबार बेइजिङमा अवतरण गरेका छन् । त्यहाँ उनलाई भव्य समारोह र तामझामका साथ स्वागत गरिएको छ । ट्रम्प यस्तो स्वागत रुचाउँछन् ।

यस भ्रमणको महत्त्वलाई दर्शाउन चीनका राष्ट्रपति सी चिनपिङले स्वागत टोलीको नेतृत्व गर्न एक उच्चस्तरीय अधिकारी चिनियाँ उपराष्ट्रपति हान चङलाई पठाएका छन् ।

हानलाई व्यापक रूपमा कूटनीतिक कार्यक्रमहरूका लागि सीको दूतको रूपमा हेरिन्छ र उनले गत वर्ष ट्रम्पको राष्ट्रपतीय शपथ ग्रहण समारोहमा पनि सहभागिता जनाएका थिए ।

उनी चिनियाँ कम्युनिस्ट पार्टीको सर्वोच्च निर्णय गर्ने निकाय पोलिटब्युरो स्थायी समितिका सेवानिवृत्त सदस्य हुन् ।

ह्वाइट हाउसका अनुसार, त्यहाँ उपस्थित अन्य अधिकारीहरूमा चीनका लागि अमेरिकी राजदूत डेभिड पर्ड्यु, उनका समकक्षी अमेरिकाका लागि चिनियाँ राजदूत झिए फेङ र चीनका कार्यकारी वैदेशिक मामिला उपमन्त्री मा झाओक्सु रहेका छन् ।

अमेरिकी राष्ट्रपतिलाई नीलो र सेतो रंगको पोसाक लगाएका ३०० चिनियाँ युवाहरूले पनि स्वागत गर्नेछन् । तिनले हातमा चिनियाँ झण्डा बोकेर धावनमार्गमा मार्च गरेका थिए ।

साथमा सैनिक सम्मान गारत र सैनिक ब्यान्ड पनि उपस्थित थिए ।

सीले बिहीबार बिहान ट्रम्पलाई औपचारिक रूपमा स्वागत गर्नेछन् ।