‘धोकेबाज’ गायिका एलिनासँग स्टेजमै प्राविधिकको लफडा ! (भिडियो)
काठमाडौं । ‘धोकेबाज हौं तिमी’ र ‘कट्टा हान्दिन्छु’ लगायतका चर्चित गीत गाएकी गायिका एलिना चौहान र प्राविधिकहरुको एक कार्यक्रममा स्टेजमै विवाद भएको छ ।
ऐतिहासिक राष्ट्रिय मगर महोत्सवमा आयोजत कन्सर्टका क्रममा चौहानको साउण्ड सिस्टमका प्राविधिकसँग स्टेजमै विवाद भएको हो ।
फागुन १५ देखि २६ गतेसम्म पर्वतमा आयोजना भएको कार्यक्रममा चौहान गीत गाउन पुगेकी थिइन् । केही गीत गाइसकेपछि उनले अन्तिम गीत भन्दै साउण्डका प्राविधकलाई लेबल मिलाउन भनेकी थिइन् ।
त्यसपछि साउण्ड सिस्टम मिलाउन बसेका प्राविधिकले पहिला आफ्नो भोकललाई क्लियर गरेर लेबल माग्न भने ।
त्यसपछि उनीहरुबीच विवाद भयो ।
माइक समाएर गाउन तयार रहेकी चौहानले माइकबाटै साउण्ड सिस्टमका प्राविधिकलाई भनिन् ।
यस्तो छ एलिना र प्राविधको वादविवाद
एलिना: लेबल मिलाउनू
प्राविधिक: पहिला आफ्नो भोकललाई क्लियर गर्नु र हामीसँग लेबल माग्नु
एलिना: पहिला तपाईं यहाँ आएर सुन्नु न!
प्राविधिक: पहिला भोकल क्लियर गर्नु न
एलिना: तपाईंको बोल्ने ढंग सुधार्नु । आफ्नो गल्ती देख्नुहुन्न? यहाँ आएर सुन्नु न एकपटक ।
त्यसपछि दर्शक दीर्घबाट होहल्ला हुन्छ ।
एलिना: तपाईले मलाई सिकाउन पर्दैन । नाच्न जान्दैन आँगन टेढो भन्या यही हो ।
प्राविधिक: तपाईंसँग हामीले धेरै काम गरिसकेका छौं ।
त्यसपछि बाहिर चर्को हुटिङ हुन्छ ।
क्लिकमान्डु
