सामाखुसीमा नालाबाट बेपत्ता भएका बालक मृत फेला

काठमाडौं । काठमाडौंको सामाखुसीमा नालाबाट १२ दिनअघि बेपत्ता भएका बालक मृत फेला परेका छन् ।

बिहीबार दिउँसो ३ बजे १३ वर्षीय बालक साजन मगर दक्षिणकाली नगरपालिका-७ भुल्कास्थित बागमती नदी किनारमा मृत फेला परेका हुन् ।

काठमाडौं उपत्यका प्रहरी कार्यालय रानीपोखरीका एसएसपी दिनेशराज मैनालीका अनुसार मृतकको शव सनाखत भइसकेको छ ।

शव पोस्टमार्टमका लागि टिचिङ अस्पताल लगिएको छ । मगरलाई साउन ७ गते सामाखुसीमा आएको बाढीले बगाएको थियो ।