काठमाडौं महानगरपालिकामा ६५ जनालाई रोजगारीको अवसर

काठमाडौं । काठमाडौं महानरपालिकामा ६५ जनाका लागि जागिर खुलेको छ । महानगरपालिकाले सूचना प्रकाशित गर्दै ६५ जना नगर प्रहरी जवानका लागि जागिर खुलाएको हो ।

महानगरका अनुसार रक्षा मन्त्रालयको असार १० गतेको पत्रमार्फत प्राप्त सैन्य पदको अन्तिम नजितामा उत्तीर्ण भएका तर मुख्य उम्मेदवारको सूचीमा नपरेका योग्यता क्रमअनुसारको नामावली लगतमा रहेका मध्येबाट तोकिएको अवधिमा प्राप्त निवेदनमा सोही सूचीको योग्यता क्रमअनुसार करार सेवामा भर्ना गरिनेछ ।

इच्छुकले १५ दिनभित्रमा महानगरपालिकाको प्रशासन विभागमा निवेदन सक्ने पनि महानगरले जनाएको छ ।