पूर्वराजस्व सचिव पुडासैनी कृषि विकास बैंकको अध्यक्ष

काठमाडौं । कृषि विकास बैंकको अध्यक्षमा रामशरण पुडासैनी नियुक्त भएका छन् ।

बुधबार बसेको बैंक सञ्चालक समितिको बैठकले पूर्वराजस्व सचिव पुडासैनीलाई अध्यक्षमा नियुक्त गरेको हो ।

उनी यसअघि बैंकको सञ्चालक समिति सदस्य थिए । अर्थ मन्त्रालय र सम्बद्ध निकायमा ३३ वर्ष काम गरेका पुडासैनी साउन २४ गते सेवा निवृत्त भएका थिए ।

२०४५ असार २० गते निजामती सेवामा प्रवेश गरी २५ वर्ष अर्थ मन्त्रालयमा बिताएका पुडासैनीसँग विश्व बैंक र एसियाली विकास बैंकमा बसेर काम गरेको अनुभव छ ।