गोर्खा २ मा प्रचण्डको शानदार अग्रताः ल्याए १७ हजार ७ सय मत, दोस्रोमा घण्टी

काठमाडौं । सत्ता गठबन्धनका उम्मेद्वार रहेका माओवादी केन्द्रका अध्यक्ष पुष्प कमल दाहाल प्रचण्डले गोर्खा २ मा शानदार अग्रता हासिल गरेका छन् ।

प्रचण्डले निकटतम प्रतिद्धन्द्धी राष्ट्रिय स्वतन्त्र पार्टी (घण्टी)का उम्मेद्वार कबिन्द्र बुर्लाकोटीभन्दा ११ हजार ७ सय ८६ मत बढी ल्याएका छन् ।

प्रचण्डले १७ हजार ७ सय ५३ मत ल्याएका छन् भने बुर्लाकोटीले ५ हजार ९ सय ६७ मत ल्याएका छन् ।

नेकपा एमालेका अब्दुस सालम मियाँले ४ हजार ५ सय ९८ मत ल्याएका छन् । राष्ट्रिय प्रजातन्त्र पार्टीका सुशील पन्तले ९ सय ८१ मत ल्याएका छन् । मतगणना जारी छ ।