सिटी एक्स्प्रेस गलबन्दी टिकटक च्यालेन्ज प्रतियोगिता, पहिलो हुनेले १५ हजार पाउने

काठमाडौं । सिटी एक्सप्रेस मनी ट्रान्सफरले देश विदेशमा रहेका टिकटक प्रयोगकर्तालाई लक्षित गरी सिटी एक्सप्रेस गल्बन्दी टिकटक च्यालेन्जको आयोजना गरेको छ ।

लोकप्रिय गायक प्रकाश सपुतको निकै चर्चित रहन सफल ‘गल्बन्दी’ गीतको मुख्य प्रायोजक रहेको सिटी एक्सप्रेसले फेरि सोही गीत स्मरण गराउदै सिटी एक्सप्रेस गल्बन्दी टिकटक च्यालेन्जको आयोजना गरेको हो ।

सो च्यालेन्जमामा प्रथम, द्वितिय तथा तृतिय उत्कृष्ट भिडियोले क्रमशः १५ हजार, १० हजार र ५ हजार रूपैयाँ नगद पुरस्कार पाउनेछ ।

साथै, छनोटमा परेका उत्कृष्ट १० भिडियोलाई ५०० बराबरको मोबाइल टपअप प्रदान गरिनेछ । भिडियो यही असोज १४ गतेसम्म पोस्ट गरी सक्नु पर्नेछ जस्को नतिजा असोज २० गते प्रकाशन गरिनेछ ।

सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउदै बिगत १४ वर्ष देखि कोरिया, जापान, साउदी, कतार, कुवेत, मलेशिया , अष्ट्रेलियालगायत संसार भरबाट विप्रेषण सेवा प्रदान गर्दै आइरहेको छ ।

आन्तरिक विप्रेषण अन्तर्गत सिटीएक्सप्रेसका देशभर छरिएर रहेका १० हजारभन्दा बढी भुक्तानी केन्द्रहरु मार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाईल वालेटमा लोड गर्न सकिने जस्ता सुविधाहरु प्रदान गर्दै आइरहेको कम्पनीले जनाएको छ ।