इजरायलले २० करोड डलरको हतियार किन्ने

एजेन्सी । इरानविरुद्धका सैन्य अभियानहरू जारी रहेकै बेला इजरायलको रक्षा मन्त्रालयले रक्षा कम्पनी एलबिट सिस्टम्सलाई उन्नत हवाई युद्धसामग्री आपूर्ति गर्न करिब २० करोड डलर बराबरको ठेक्का दिएको छ ।

अल जजीराले उल्लेख गरे अनुसार, एलबिट सिस्टम्सले एक विज्ञप्ति जारी गर्दै ‘इजरायलको रक्षा मन्त्रालयसँगको लामो समयदेखिको साझेदारीमा गर्व गर्ने’ दाबी गरेको छ । त्यसक्रममा कम्पनीले आकाशबाट प्रहार गर्ने हतियार प्रणालीमा आफ्नो प्राविधिक नेतृत्वलाई समेत उजागर गरेको छ ।

यसका हतियारहरू इजरायली वायुसेनाको हवाई प्रभुत्व कायम राख्न सक्षम बनाउने मुख्य कारकहरूमध्ये एक हुन् ।

इजरायली रक्षा मन्त्रालयका अनुसार, रक्षा खरिद निर्देशनालयद्वारा गरिएको यस खरिदको उद्देश्य हतियारमा आत्मनिर्भरता बलियो बनाउनु र तत्काल युद्धको परिस्थिति तथा तीव्र सुरक्षा दशकका लागि तयारी बढाउनु हो ।

इजरायलका रक्षामन्त्री इजरायल काट्जले यो सम्झौता ‘इजरायलको हतियार आपूर्तिको आत्मनिर्भरतालाई निरन्तर सुदृढ गर्ने’ प्रयासको एक हिस्सा भएको बताएका छन् ।