तेलको बढ्दो मूल्यबीच दक्षिण कोरियाले जनतालाई ६१० खर्ब वनको नगद सहायता दिने

एजेन्सी । योन्हाप न्युज एजेन्सीका अनुसार, दक्षिण कोरियाली सरकारले पश्चिम एसियाली संकटका कारण बढ्दो तेलको मूल्यको असर घटाउन न्यून आय भएका तल्लो ७० प्रतिशत जनताका लागि ६१० खर्ब कोरियन वनको नगद सहयोग योजना घोषणा गरेको छ ।

अर्थमन्त्री कु युन–चियोलले क्षेत्रीय तनावका कारण उत्पन्न हुनसक्ने आपूर्तिको अभावलाई कम गर्न अधिकारीहरूले युरिया र सम्बन्धित घोलहरूको सार्वजनिक मौज्दात पनि बजारमा खुला गर्ने बताएका छन् ।

एक आपतकालीन आर्थिक बैठकमा बोल्दै उनले अमेरिका र इरानबीचको द्वन्द्व विश्व अर्थतन्त्रका लागि ठूलो खतराको रूपमा रहेको चेतावनी दिए ।

सरकारले स्थिति स्थिर नभएसम्म आपतकालीन प्रतिकार्य प्रणाली कायम राख्ने र आपूर्ति श्रृंखलामा आउने अवरोधहरूलाई सम्बोधन गर्ने योजना बनाएको छ । सांसदहरूले हालै संकटको आर्थिक प्रभावसँग जुध्नका लागि २६.२ ट्रिलियन कोरियन वनको पूरक बजेट स्वीकृत गरेका छन् । यसले यस संकटको सामना गर्न सत्तापक्ष र प्रतिपक्षबीच भएको दुर्लभ सहमतिलाई झल्काउँछ ।