काठमाडौं । सेयर बजारमा दोहोरो अंकको वृद्धि भएको छ । साताको कारोबारको अन्तिम दिन बिहीबार सेयर बजार परिसूचक नेपाल स्टक एक्सचेञ्ज (नेप्से) २७.१९ अंकले बढेर २७०८.७० बिन्दुमा पुगेको छ ।
अघिल्लो कारोबार दिन बुधबार भने नेप्से १.६४ अंकले घटेको थियो ।
बिहीबार नेप्सेमा कुल ११ अर्ब ५८ करोड रुपैयाँ बढीको कारोबार भएको छ । बुधबार भने नेप्सेमा कुल ७ अर्ब ४५ करोड माथिको कारोबार भएको थियो ।
बिहीबार कारोबारमा आएकामध्ये २०१ कम्पनीको सेयर मूल्य बढ्दा ५५ कम्पनीको घटेको छ । यस्तै, ४ कम्पनीको सेयर मूल्य भने स्थिर छ ।
बिहीबार कालिन्चोक दर्शन लिमिटेड, सुपर माई हाइड्रोपावर र मोदी इनर्जीको सेयर मूल्यमा सकारात्मक सर्किट लाग्दा तीन कम्पनीको मूल्य नौ प्रतिशत बढीले वृद्धि भएको छ ।
प्रतिक्रिया