उज्यालो नेपालको केन्द्रीय समितिको आकस्मिक बैठक बस्दै, साँझ ६ बजे पत्रकार सम्मेलन

काठमाडौं । उज्यालो नेपाल नेपाल पार्टीको आकस्मिक केन्द्रीय समितिको बैठक बोलाइएको छ । शनिबार अपरान्ह ४ बजे बस्ने गरी बैठक बोलाइएको हो ।

राष्ट्रिय स्वतन्त्र पार्टी (रास्वपा) सँग एकता प्रक्रिया भाँडिएसँग केन्द्रीय समितिको बैठक बोलाइएको हो ।

कुलमान घिसिङ उपसभापति पद हुने गरी दुई पक्षमा सहमति बनेको थियो । पदाधिकारी, केन्द्रीय सदस्य पदमा दुई पक्षमा कुरा मिल्न सकेको थिएन । समानुपातिक उम्मेदवार पूर्व सहमति अनुसार लागु नभएको उज्यालो नेपालले जनाएको छ ।

पछिल्लो समयमा शक्ति वाँडफाँडको क्रममा संवाद हुँदा कुलमान पूर्ववत सहमतिबाट पछि हटेको रास्वपा पक्षले जनाएको छ ।

यसैबीच उज्यालो पार्टीले साँझ ६ बजे त्रिपुरेश्वरस्थित पार्टी कार्यालयमा आकस्मिक पत्रकार सम्मेलनको आयोजना गरेको छ ।