काठमाडौं । नेपाल राष्ट्र बैंकले तरलता प्रशोचन गर्न पहिलो पटक ‘नेपाल राष्ट्र बैंक ऋणपत्र निष्कासन’ गर्ने भएको छ । सोमबार केन्द्रीय बैंकले १ वर्ष अवधिको २५ अर्ब रुपैयाँको ऋणपत्र निष्कासन गर्ने भएको हो ।
नेपाल राष्ट्र बैंक ऋणपत्र २०८३ ‘क’ नाम दिइएको उक्त ऋणपत्रको ब्याज अर्धवार्षिक रुपमा भुक्तानी हुनेछ । ऋणपत्रको ब्याजदर बोलकबोलमार्फत निर्धारण हुनेछ । ऋणपत्रमा न्युनतम ५ करोड र बढीमा ५ करोडले भाग गर्दा निःशेष भाग जानेगरी कुल आह्वान रकमसम्म आवेदन दिन सक्नेछन् ।
बहुब्याजदरमा बोलकबोल गर्न सकिने ऋणपत्रमा वाणिज्य बैंक, विकास बैंक र फाइनान्स कम्पनीले मात्रै आवेदन दिने सक्नेछन् ।
ऋणपत्रमा लगानी गर्ने बैंकले त्यसलाई राष्ट्र बैंक र अन्य बैंक तथा वित्तीय संस्थामा धितोको रुपमा प्रयोग गर्न सक्नेछन् ।
बैंक्हरुमा तरलता कमी भएमा उक्त ऋणपत्र राखेर राष्ट्र बैंकबाट तरलता लिन पाउनेछन् ।
प्रतिक्रिया