चीन सीमामा भारी हतियार पुर्याउनका लागि भारतले बनायो पुल

एजेन्सी । भारतले देशभरिकै सबभन्दा लामो पुल बनाएको छ ।

असममा रहेको भूपेन हजारिका पुल ९.१५ किलोमिटर लामो छ । लोहित नदीमा बनेको यो पुलले असम र अरुणाचल प्रदेशलाई जोड्छ ।

कुल ८७६ करोड भारुमा यो पुल बनेको हो ।

यसलाई नवयुग इन्जिनियरिङ कम्पनीले बनाएको हो । सन् २०११ मा भारत सरकार र उक्त कम्पनीबीच पुल बनाउने सम्झौता भएको थियो । यसलाई पब्लिक प्राइभेट पार्टनरशिप मोडलमा बनाइएको थियो ।

यस पुलले पूर्वोत्तर भारतमा पर्यटन प्रवर्धन गरेको छ । त्यस क्षेत्रका ढोला र सदिया सहित कैयौं गाउँमा पुलकै कारण आर्थिक उन्नति भएको छ । घरजग्गा व्यवसाय पनि फस्टेको छ । ती कारणहरूले त्यहाँको आर्थिक वृद्धिमा योगदान गरेको छ ।

भूपेन हजारिका पुलमा ६० टनभन्दा बढी तौल भएका सैन्य ट्यांकहरू पनि गुड्न सक्छन् । चीन सीमासम्म युद्ध ट्यांक पुर्याउनका लागि यो पसल महत्त्वपूर्ण छ ।