जनमतले मधेसमा आफ्नो सरकार ढाल्यो

जनकपुरधाम । जनमत पार्टीले मधेस प्रदेश सरकारलाई दिएको समर्थन फिर्ता लिँदै मुख्यमन्त्री र मन्त्रीहरूलाई फिर्ता बोलाएको छ।

शनिबार जनमत पार्टी संसदीय दलले सरकारलाई दिएको समर्थन फिर्ता तथा मुख्यमन्त्री र मन्त्रीलाई फिर्ता बोलाउने भन्दै प्रदेश प्रमुखलाई पत्र लेखेको हो।

जनमत पार्टीका संसदीय दलका नेता महेशप्रसाद यादवले प्रदेश प्रमुखको कार्यालयलाई मुख्यमन्त्री र मन्त्री फिर्ता बोलाउने र सरकारलाई दिएको समर्थन फिर्ता लिएको जानकारी सहितको निवेदन पठाएको हो। मधेस प्रदेशमा हालः जनमतबाट मुख्यमन्त्री र ३ दुई जना मन्त्री सरकारमा थिए।

मंगलबार जेनजीको आन्दोलन भइरहेको समय फेसबुकमा राजीनामा दिएको भनेपनि अहिले आएर नदिने भनेका थिए। तर, जनमतको संसदीय दलले सरकारलाई दिएको समर्थन फिर्ता लिँदै मुख्यमन्त्री र मन्त्रीहरू फिर्ता बोलाउन पत्र लेखेको हो।

जनमतबाट मुख्यमन्त्रीम सतिषकुमार सिंह, वन तथा वातावरण मन्त्री संजय यादव र उद्योग, वाणिज्य तथा पर्यटन मन्त्री बसन्त कुशवाहा मन्त्री छ्न्।