नेप्से ३१ अंकले घट्यो, ६ अर्बको कारोबार हुँदा सूचक २७४९ बिन्दुमा

काठमाडौं । सेयर बजारमा उच्च अंकको गिरावट आएको छ ।

साताको कारोबारको पहिलो दिन आइतबार सेयर बजार सूचक नेपाल स्टक एक्सचेञ्ज (नेप्से) ३१.१७ अंकले घटेर २७४९.८३ बिन्दुमा सीमित भएको छ ।

गत साताको बिहीबार पनि नेप्से ३८.१० अंकले घटेर २७८१ बिन्दुमा रोकिएको थियो । आइतबार नेप्सेमा कुल ६ अर्ब ६ करोड रुपैयाँ बराबरको कारोबार भएको छ ।

बिहीबार भने नेप्सेमा ७ अर्ब ९७ करोड रुपैयाँ बराबरको कारोबार भएको थियो । आइतबार कारोबारमा आएकामध्ये २१ कम्पनीको सेयर मूल्य बढ्दा २२८ कम्पनीको घटेको छ । यस्तै, एक कम्पनीको सेयर मूल्य भने स्थिर छ ।