राजावादी प्रदर्शन: सविनलाई १ गोली लागेको पोस्टमार्टम रिपोर्ट, आजै दाहसंस्कार

काठमाडौं । गत शुक्रबार तीनकुनेमा भएका प्रदर्शनका क्रममा मृत्यु भएका कीर्तिपुरका सविन महर्जनको शरीरमा गोली लागेको पुष्टि भएको छ ।

त्रिवि शिक्षण अस्पतालमा आज गरिएको पोस्टमार्टम रिपोर्टअनुसार उनको शरीरमा एक गोली लागेको पाइएको छ । प्रहरी स्रोतका अनुसार गोली दायाँ हातको कुहिनो नजिकको भाग हुँदै कोखबाट प्रवेश गरी ढाडबाट गोली निस्किएको छ।

१५ चैतमा राजावादीहरूको प्रदर्शनका क्रममा गोली लागेर महर्जनको मृत्यु भएको थियो । महर्जनको शव परिवारको जिम्मा लगाइएको छ । शव आजै पशुपति आर्यघाटमा दाहसंस्कार गर्ने तयारी गरिएको छ ।