देशभर मौसम सफा रहने

काठमाडौँ । पश्चिमी वायु तथा स्थानीय वायुको आंशिक प्रभावका कारण कोशी, गण्डकी र कर्णाली प्रदेशको पहाडी भूभागको मौसममा केहि परिवर्तन आएपनि अन्य भागको मौसम भने सफा रहने जल तथा मौसम विभागले जनाएको छ ।

कोशी र गण्डकी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना छ। राति बागमती प्रदेश, गण्डकी प्रदेश र लुम्बिनी प्रदेशमा आंशिक बदली रही बाँकी भूभागमा आंशिक बदली देखि मौसम मुख्यतया सफा रहनेछ ।