कुलमानको विषय अदालतमा गएकाले संसद अवरोध स्थगित गरेका छौं: माओवादी

काठमाडौं । नेपाल कम्युनिष्ट पार्टी माओवादी केन्द्रले प्राधिकरणले कुलमान घिसिङलाई नेपाल विद्युत प्राधिकरणबाट हटाएको विषय अदालतमा विचारधीन भएकाले तत्काललाई संसद् अवरोध स्थगित गरेको जनाएको छ ।

सोमबार नेकपा माओवादी केन्द्रकी सांसद रेखा शर्माले प्राधिकरणलाई कुलमानले मुनाफामा लगेको भन्दै निरन्तर घाटामा रहेको प्राधिकरणलाई नाफामा लैजाने कर्मचारीलाई सरकारले हटाएको र त्यसलाई प्रधानमन्त्रीले संसदमा हल्का रुपमा प्रस्तुत गरेको भन्दै उनले आपत्ति जनाइन् ।

‘विनाकुनै तथ्यमा नरही एउटा कर्मचारीलाई हटाएको र अर्कोलाई ल्याएको भन्दै प्रधानमन्त्रीले हल्का रुपमा लिएको छ,’ उनले भनिन् ।

कुलमानलाई हटाएको विषयमा प्रधानमन्त्रीले नसुनेपछि आफूहरु संसद अवरुद्ध गर्न बाध्य भएको उनको भनाइ छ ।

‘देशभक्त कर्मचारीलाई हटाउँदै जाँदा व्यवस्था र संविधानलाई कमजोर बनाउन यसलाई सुदृढ बनाउन लोकतन्त्रको सर्भिसिङ गर्नुपर्छ,’ उनले भनिन्, ‘विचौलियाको पक्षमा काम नगर्दा मात्र लोकतन्त्र बलियो हुन्छ।’

कुलमानको मुद्दा अदालत पुगेको र अहिले राजनीतिक परिवेश बदलिएको गणतन्त्र,संविधानको पक्षमा लाग्नुपर्ने भएकाले संसद अवरोधमा निरन्तर नरहेको र आफूहरुले अवरोध स्थिगत गरेको उल्लेख गरेकी छन् ।