आज एकैदिन १३ सय रुपैयाँले बढ्यो सुनको मूल्य, कतिमा भइरहेको छ कारोबार ?

616
Shares

काठमाडौं । आज नेपाली बजारमा सुनको मूल्य बढेको छ । बिहीबार सुनको भाउ प्रतितोला १ हजार ३ सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७४ हजार ८ सय रूपैयाँमा कारोबार भइरहेको छ । बुधबार छापावाल सुन प्रतितोला १ लाख ७३ हजार ५ सय रूपैयाँमा कारोबार भएको थियो । त्यसैगरी, बिहीबार चाँदीको मूल्य पनि बढेको छ ।

बुधबार प्रतितोला १ हजार ९ सय ९० रूपैयाँमा कारोबार भएको चाँदी बिहीबार प्रतितोला २ हजार २० रूपैयाँ किनबेच भइरहेको छ ।