पत्नी कुटपिटको आरोपमा सुदूरपश्चिम विश्वविद्यालयका उपप्राध्यापक पक्राउ

काठमाडौं । पत्नीमाथि कुटपिट गरेको आरोपमा सुदूरपश्चिम विश्वविद्यालयका एक उपप्राध्यापकलाई प्रहरीले पक्राउ गरेको छ ।

पत्नीलाई कुटपिट गरेको आरोपमा सुदूरपश्चिम विश्वविद्यालयका उपप्राध्यापक पृथ्वीराज भट्ट पक्राउ परेका हुन् । भट्ट सुप विश्वविद्यालयको केन्द्रीय क्याम्पसमा कार्यरत छन् ।

प्रहरीका अनुसार भट्टलाई उनकै पत्नी जयन्ती भट्टले कुटपिटको आरोप लगाउँदै आफ्ना दाजुको सहायतामा ज्यान मार्ने उद्योगमा किटानी जाहेरी दिएकी थिइन् ।

किटानी जाहेरीका आधारमा भट्टलाई पक्राउ गरेपछि अदालतबाट म्याद थप भएर अनुसन्धान भइरहेको प्रहरीले जनाएको छ । पृथ्वीराजकी पत्नी जयन्तीको भने घाइते अवस्थामा धनगढीस्थित अस्पतालमा उपचार भइरहेको छ ।