अर्को सातादेखि आईपीओ निष्कासन प्रकृया सुरु हुने, ३४ वटा कम्पनी पाइपलाइनमा
काठमाडौं । लामो समयदेखि रोकीएको साधारण सेयर (आइपीओ) अब केही दिनमा नै खुला हुने भएको छ ।
अर्थमन्त्री बर्षमान पुनको निर्देशन लगत्तै नेपाल धितोपत्र बोर्डले प्रकृया पुगेका कम्पनीलाई आईपीओ निष्कासन गर्न अनुमति दिने भएको छ ।
बोर्डका निमित्त अध्यक्ष तथा कार्यकारी निर्देशक डा. नवराज अधिकारी अबको केही दिनबाट आवश्यक कागजात पुरा गरेका कम्पनीलाई सन्चालक बोर्डले पास गरेपछी सेयर निष्कासन गर्न दिने बताउँछन् ।
केही दिनअघी अर्थमन्त्री बर्षमान पुनले आईपीओ निष्कासन प्रकृया अघी बढाउन निर्देशन दिएको र त्यही अनुसार काम अघी बढाएको उनको भनाइ छ । अर्को साताबाट आवश्यक प्रकृया अघी बढ्ने उनको भनाइ छ ।
अर्थमन्त्री पुनले बोर्डको पाइपलाइनमा रहेका कम्पनीलाई स्वीकृति दिन निर्देशन दिएका छन् । अहिले ३५ वटा कम्पनी आईपीओ निष्काशनको प्रकृयामा रहेका छन् । बोर्डको पाइपलाइनमा रहेका अधिकांश कम्पनी जलविद्युत क्षेत्रका रहेका छन् ।
क्लिकमान्डु
