विमान दुर्घटना: ६४ जना मृत्यु भएको पुष्टि, ४ अझै बेपत्ता

काठमाडौं । पोखराको अन्तर्राष्ट्रिय विमानस्थल नजिकै सेती नदिको खोचमा खसेको यति एयरको जहाजमा सवार रहेका ४ जना यात्रु अझै बेपत्ता रहेका छन् ।

आइतबार चालक दलका ४ सदस्यसहित ७२ जना यात्रु सवार विमान सेती खोचमा खसेको थियो । उक्त दुर्घटनामा परेका मध्ये ६४ यात्रुको मृत्यु भइसकेको छ ।

कास्कीका प्रहरी प्रमुख एसपी अजय केसीका अनुसार ३१ वटा शव निकालेर अस्पतालमा लगिएको छ । ‘३३ वटा शव खोचबाट संकलन गरिएको छ, ४ वटा शव केही तल खोचमा देखिएको छ’ उनले भने ‘बाँकी ४ जना यात्रुको खोजी कार्य जारी छ ।’

उनका अनुसार बाँकी ४ जनाको पनि प्रहरी लगायत दुर्घटनास्थलमा सहभागिले खोजी कार्य जारी राखेका छन् । खोच निकै गहिरो भएका कारण मृतकको शव निकाल्न समस्या भएका उनको भनाइ छ ।