एनआईसी बैंकको एपमार्फत् निःशुल्क आन्तरिक रेमिटेन्स पठाउन सकिने
![](https://clickmandu.com/wp-content/uploads/2022/09/Photo-Domestic-Remittance-Campaign-through-NIC-ASIA-MoBank-768x768.jpg)
काठमाडौं । एनआईसी एशिया बैंकले दशैं, दीपावली, नेपाल सम्बत् तथा छठ पर्वको अवसरमा मोबाइल बैंकिङ्ग एपमार्फत् दुई महिनासम्म निःशुल्क आन्तरिक रेमिटेन्स पठाउन सकिने योजना सार्वजनिक गरेको छ ।
बैंकले २०७९ भाद्र १५ देखि कात्तिक १५ सम्म लागू हुने गरी ल्याएको यस नयाँ योजनामा बैंकका ग्राहकले एनआईसी एशिया एमओबैंक प्रयोग गरी एक ठाउँबाट अर्को ठाउँ निःशुल्क रुपमा रकम पठाउन सक्ने जनाएको छ ।
सेल्फ हेल्प बैंकिङ्गको अवधारणाअनुरुप एनआईसी एशिया मोबैंकमार्फत् नै आन्तरिक रेमिटेन्स देशभर पठाउन सकिने यस सुविधाबाट बैंकका ग्राहकले आफ्नो परिवार, आफन्त वा साथीहरूलाई सहज रुपमा रकम पठाई योजनाको भरपुर लाभ उठाउन सक्ने बैंकले जनाएको छ ।
यस योजनाअन्तर्गत् ग्राहकहरूले जुनसुकै स्थानबाट, जुनसुकै समयमा रेमिट रकम सहज रुपमा पठाउन सक्ने छन् ।
यसका लागि ग्राहकहरूले आफ्नो मोबाइलमा रहेको एनआईसी एशिया मोबैंकभित्र रहेको आईरेमिट आइकनमा ट्याप गरेपश्चात् पठाउन चाहेको रेमिटेन्स रकम, प्राप्त गर्नेको विवरण (नाम, मोबाइल नम्बर एवं ठेगाना) उल्लेख तथा रेमिटेन्स पठाउनुको उद्देश्य छनौट गरी सुरक्षित रुपमा रेमिटेन्स पठाउन सक्ने बैंकले जनाएको छ ।
यसरी दैनिक अधिकतम २५ हजार रुपैयाँसम्म रकम पठाउन सकिने बैंकले जनाएको छ । यस माध्यमबाट पठाएको रकम देशभर रहेका यस बैंकका सम्पूर्ण शाखा तथा विस्तारित काउन्टरहरूका साथै १२ हजार भन्दा बढी रेमिट एजेन्टहरूबाट नगद रकम सहजै झिक्न सकिने बैंकले जनाएको छ ।
डिजिटल कारोबार गर्नुपर्ने आजको आवश्यकतालाई बैंकले ल्याएको यस योजनाबाट ग्राहकहरूलाई बैंक शाखासम्म पुगेर भौतिक फारम भरि रेमिटेन्स पठाउनुपर्ने झन्झबाट मुक्ति मिल्नुका अलावासमयको बचत गर्न समेत सहयोग मिल्ने विश्वास बैंकले लिएको छ ।