जनार्दन शर्मामाथिको छानबिन समितिको म्याद ७ दिन थपियो

काठमाडौं । पूर्वअर्थमन्त्री जनार्दन शर्मामाथि गठित संसदीय छानबिन विशेष समितिको म्याद ७ दिन थप गरिएको छ ।

निर्धारित समयमा छानबिन नसकिएको भन्दै समितिले ७ दिन म्याद थपका लागि संसदमा प्रस्ताव गरेको थियो ।

यसअघि शर्मामाथि गठित ११ सदस्यीय छानबिन समितिको म्याद १० दिन थियो ।

समितिले हाल विभिन्न व्यक्तिहरुसँग सोधपुछ तथा छलफल गरिरहेको छ ।

समिति सदस्यहरुमा खगराज अधिकारी, देवप्रसाद गुरुङ, मानबहादुर विश्वकर्मा, प्रदीपकुमार ज्ञवाली, भानुभक्त ढकाल, विमला विक, लक्ष्मणलाल कर्ण, शक्तिबहादुर बस्नेत, सरला कुमारी यादव, सिताराम महतो, सुरेन्द्रप्रसाद यादव छन् ।