नेपाल बङ्गलादेश बैंकद्वारा सरकारलाई ५ हजार भायल रेम्डेसिभिर सहयोग

काठमाडौं । नेपाल बङ्गलादेश बैंक लिमिटेडले आफ्नो विदेशी संस्थापक बङ्गलादेशको आइएफआईसी बैंकसँग मिलेर आफनो संस्थागत सामाजिक उत्तरदयित्व अन्तर्गत नेपाल सरकारलाई ५ हजार भायल रेम्डेसिभिर सहयोग प्रदान गरेको छ ।

उक्त औषधि बङ्गलादेशका लागि नेपालका राजदूत महामहिम श्री बंशीधर मिश्रलाई ढाका स्थित नेपाली दूतावासमा नेपाल बंगलादेश बैकको संस्थापक आइएफआईसी बैंकको सहयोगमा वैशाख २८ गते हस्तान्तरण गरिएको थियो ।

साथै बङ्गलादेश सरकारले पनि थप ५ हजार भायल रेम्डेसिभिर औषधि सहयोग स्वरुप प्रदान गरिएको र उक्त औषधि बङ्गलादेशबाट नेपालका लागि पठाइसकेकोे छ ।

यसअघि पनि नेपाल बङ्गलादेश बैकले आफ्नो विदेशी संस्थापक बङ्गलादेशको आइएफआइसी बैंक र र बङ्गलादेशको बेक्सिम्को फर्मास्यूटिकल कम्पनीसँग मिलेर ५ हजार भायल रेम्डेसिभिर नेपाल सरकारलाई हस्तान्तरण गरिसकेको थियो ।

बैकले सामाजिक उत्तरदायित्वलाई सधै उच्च प्राथमिकतामा राख्ने गरेको छ । हाल बैंकले ९९ शाखा, ८ एक्सटेन्सन काउन्टर, तथा ८२ वटा एटीएमबाट बैंकिङ्ग सुविधा दिंदै आएको छ ।