‘डिशहोममा डिलर दाईको डिस्काउन्ट’ योजनाअन्तर्गत हप्तामा २ जना ग्राहकलाई १ लाख नगद पुरस्कार

काठमाडौं । ‘डिशहोममा डिलर दाईको डिस्काउन्ट’ योजना अन्र्तगत लाइभ लक्की ड्रमार्फत २ जना भाग्यशाली विजेता छनौट भएका छन् । २०७७ साल असोज ९ गते देखि १५ गते सम्म फन्ड ट्रान्फरबाट वार्षिक रिचार्ज गर्ने ग्राहकहरूलाई समावेश गरेर लक्की ड्र सम्पन्न भएको कम्पनीले जनाएको छ ।

यो योजना अन्तर्गत असोज १६ गते भएको लक्की ड्रबाट डिशहोमको सेटअप बक्सको २ सीएएस आइडी नं ०२५१९१६२५३१ र ०५२१९०८१५७५ बिजेता बन्न सफल भएका छन् ।

हरेक हप्ताको शुक्रबार साँझ ५ बजे डिशहोमको शोकेस च्यानल नं १००, शोकेस २ च्यानेल नं १०१ र रमाईलो टिभीमा लाइभ लक्की ड्रमार्फत २ जना भाग्यशाली बिजेता छनौट हुनेछन् । योजना अनुसार डिशहोमले हरेक हप्ता दुई लाख प्रदान गर्नेछन् । जसमा २ जना भाग्यशाली विजेताहरुले प्रति व्यक्ति एक लाख नगद प्राप्त गर्नेछन् ।

बिजेताहरुलाई डिशहोमको तर्फबाट बधाई सहित आउने लाइभ लक्की ड्र २०७७ साल असोज २३ गते साँझ ५ बजे शोकेस च्यानल नं १००, शोकेस २ च्यानल नं १०१ मा र रमाईलो टिभीमा हुने जानकारी दिएको छ ।

असोज १६ देखि २२ गते सम्म फन्ड ट्रान्सफरबाट रिचार्ज गर्नुहुने ग्राहकवर्गहरूलाई असोज २३ गतेको लक्की ड्रमा सामेल गराइनेछ । यस नयाँ योजना अन्तर्गत डिसहोमको आधिकारीक विक्रेताहरु मार्फत फन्ड ट्रान्सफर सेवाबाट २ वर्षे रिचार्ज गर्ने ग्राहकहरूले लक्की ड्रमा डबल मौका पाउनेछन् । साथै ग्राहकहरुको मागलाई ध्यानमा राख्दै अब अनलाइन मार्फत ५ हजार वा सो भन्दा माथि रिचार्ज गर्ने ग्राहकहरुलाई पनि साताको लक्की ड्रमा सहभागी गराईने कम्पनीले जनाएको छ ।

साथै, फन्ड ट्रान्सफरबारे अधिक जानकारीको लागि देशभर रहेको डिशहोम बिक्रेता, नजिकैको डिलर वा डिशहोमको ग्राहक सेवा केन्द्रमा सम्पर्क गर्न सक्नेछन् ।