पछिल्लो २४ घण्टामा २५५ जना नयाँ कोरोना संक्रमित थपिए, कुल संख्या १६ हजार ४२३ पुग्यो

काठमाडौं । स्वास्थ्य मन्त्रालयका अनुसार पछिल्लो २४ घण्टामा २५५ जना नयाँ कोरोना संक्रमित थपिएका छन् । यसरी हालसम्म नेपालमा कुल कोरोना संक्रमितको संख्या १६ हजार ४२३ पुगेको छ ।

मन्त्रालयका प्रवक्ता प्रा. डा. जागेश्वर गौतमका अनुसार हालसम्म उपचारपछि निको हुने कोरोना संक्रमितको संख्या ७ हजार ७५२  जना पुगेको छ । जसमा पछिल्लो २४ घण्टामा मात्रै २५३ जना उपचारपछि निको भएका छन् । संक्रमितमध्ये निको हुनेको संख्या ४७.२ प्रतिशत हो ।

हाल आइसोलेसनमा ८ हजार ६३६ कोरोना संक्रमित छन् भने क्वारेन्टिनमा २५ हजार ४० जना छन् । हालसम्म ३५ जनाको मृत्यु भएको छ ।