आइतबार २१३ जना कोरोना संक्रमित थपिए, कुल संख्या ३४४८ पुग्यो

काठमाडौं । आइतबार थप २१३ जना कोरोना संक्रमित थपिएका छन् । यससँगै नेपालमा कोरोना संक्रमितहरुको संख्या ३४४८ पुगेको छ ।

स्वास्थ्य मन्त्रालयका प्रवक्ता विकास देवकोटाका अनुसार हालसम्म ९६ हजार २ सय ५ जनाको पीसीआर र १ लाख ४५ हजार ४९ जनाको आरटीडी परीक्षण गरिएको छ । मन्त्रालयका अनुसार हालसम्म १३ जनाको कोरोनाका कारण मृत्यु भइसकेको छ भने ४६७ जना उपचारपछि निको भइसकेका छन् ।