प्रधानमन्त्री ओलीले दिएको निम्तो स्वीकार गर्दै मोदीले भने- यो वर्ष नेपाल भ्रमणमा आउँछु

काठमाडौं । प्रधानमन्त्री केपी शर्मा ओलीले भारतीय प्रधानमन्त्री नेपाल भ्रमणका लागि दिएको निम्तो भारतीय प्रधानमन्त्री नरेन्द्र मोदीले स्वीकार गरेका छन् ।

मंगलबार भारतीय सहयोगमा निर्मित विराटनगरको एकीकत जाँच चौकी (आईसीपी)को संयुक्त रुपमा उद्घाटन गर्दै प्रधानमन्त्री ओलीले मोदीलाई नेपाल भ्रमणको निम्तो दिएका थिए ।

प्रधानमन्त्री ओलीको जवाफमा भारतीय प्रधानमन्त्री मोदीले भने- नेपाल र नेपालीहरुले मलाई निकै माया गर्छन्, प्रधानमन्त्रीज्यूले दिनु भएको नेपाल भ्रमणको निम्तो स्वीकार गर्दै यसैवर्ष नेपाल भ्रमणमा आउनेछु ।

‘यसै वर्ष नेपाल आउने कार्यतालिका बनाउँदैछु, नेपालमा नेपालीहरुको दर्शन गर्ने अवसर पनि पाउने छु,’ मोदीले भने ।

गत वर्ष दोस्रो पटक लोकसभा निर्वाचनमा बहुमत ल्याएर प्रधानमन्त्री चुनिएपछि मोदी नेपाल भ्रमणमा आएका छैनन् । अघिल्लो कार्यकालमा भने मोदी विभिन्न कार्यक्रम सहभागी हुन ४ पटक नेपाल भ्रमणमा आएका थिए ।