सस्तियो नेपाल टेलिकमको ल्यान्डलाइन र पोष्टपेड मोवाइल, अब कतिमा पाइन्छ ?

क्लिकमान्डु २०७६ साउन १ गते १७:०० मा प्रकाशित


काठमाडौं । नेपाल टेलिकमले उपलब्ध गराउँदै आएको स्थानीय टेलिफोन अर्थात ल्याण्डलाइन फोन र पोष्टपेड मोवाइल अब सस्तो मूल्यमा पाइने भएको छ ।

आर्थिक विधेयक, २०७६ को दफा १४(१) मा व्यवस्था भए बमोजिम टेलिफोन जडान गर्ने ग्राहकबाट स्वामित्व शुल्क वापत ५ सय रुपैंया मात्र लिने व्यवस्था भएपछि नेपाल टेलिकमले उपलब्ध गराउदै आएको स्थानीय टेलिफोन ९एक्त्ल्० तथा पोष्टपेड मोबाइल पहिले भन्दा कम दरमा उपलब्ध हुने भएको हो ।

यस निणर्य पश्चात अब १ हजार ६ सय ३५ रुपैयाँमा स्थानीय टेलिफोन र ९ सय ४५ रुपैयाँमा पोष्टपेड मोबाइल लिन सकिने छ । यसअघि स्थानीय टेलिफोनका लागि २ हजार २ सय र पोष्टपेड मोबाइलका लागि १ हजार ५ सय १० रुपैयाँ बुझाउनु व्यवस्था थियो ।

साथै उक्त विधेयकको कार्यान्वयनसँगै स्थानीय टेलिफोनको नामसारी गर्दा लाग्ने शुल्कमा समेत ५ सय ६५ रुपैयाँ कम भएको छ । यसअघि टेलिफोन नामसारी गर्दा १२ सय ४३ रुपैयाँ शुल्क बुझाउनु पर्दथ्यो भने आजैदेखि जम्मा ६ सय ७८ रुपैयाँ मात्र भुक्तानी गर्नु पर्ने टेलिकमले जानकारी दिएको छ ।

यो परिमार्जित शुल्क १ श्रावण २०७६ देखि नै लागू भएको टेलिकमले जनाएको छ ।

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स