एसिया प्यासिफिक कराँतेमा नेपालले जित्यो २ स्वर्ण र ३ कास्य

अशोक पहाडी\जकार्ता । ईन्डोनेसियाको राजधानी जकार्तामा सम्पन्न एसिया प्यासिफिक सितोरियो कराते च्याम्पियनसिपमा नेपालले २ स्वर्ण र ३ कास्य हात पारेको छ ।

नेपालका लागि ५५ किलो तौल समूहमा नेपालका विजय श्रेष्ठले कुमुतेतर्फ स्वर्ण पदक हात पारे । नेपालका लागि भेट्रान कातामा गणेशबहादुर थिगलेपनि स्वर्ण पदक हात परेका छन् ।

६० किलो तौल समुहमा अनिस लामाले कास्य पदक हात पारेका छन् भने ८४ किलो तौल समूहमा नेपालका दिगम्भर पन्तले कास्य पदकमै चित्त बुझाउनु पर्यो । नेपाली टिमका कप्तान पर्सुराम बास्तोलाले समेत एकल कातामा कास्यमै चित्त बुझाउनु परेको छ ।