’कर्पोरेट फ्रड’मा प्रोफेसनल इथिक्स र गभर्नेन्सको भूमिका बारे छलफल

काठमाडौं । काठमाडौँ युनिभर्सिटी स्कुल अफ मेनेजमेन्ट र एसीसीएको संयुक्त आयोजनामा ’कर्पोरेट फ्रड’ मा प्रोफेसनल इथिक्स र गभर्नेन्सको भूमिका’ विषयक गोष्टी सम्पन्न भएको छ ।

शनिबार काठमाडौंमा आयोजित उक्त कार्यक्रममा अख्तियार दुरुपयोग अनुसन्धान आयोगका पूर्व आयुक्त सुर्यनाथ उपाध्याय, नेपाल राष्ट्र बैंकका पूर्व गभर्नर युवराज खतिवडा, बैंक अफ काठमाडौँका प्रमुख कार्यकारी अधिकृत शोभनदेव पन्त, आइएफआरएस परामर्शदाता जगदीश भट्टराई र कर्पोरेट फ्रडका अन्तराष्ट्रिय बिज्ञ एन. श्रीनिभासनले उक्त विषयमा आफ्नो धारणा प्रस्तुत गरेका थिए ।

उक्त कार्यक्रममा आफ्नो धारणा प्रस्तुत गर्दै कर्पोरेट फ्रडका अन्तर्राष्ट्रिय बिज्ञ एन श्रीनिभासनले विभिन्न मुलुकमा भएका कर्पोरेट फ्रडका बारेमा प्रकाश पारेका थिए भने अख्तियार दुरुपयोग अनुसन्धान आयोगका पूर्व आयुक्त सुर्यनाथ उपाध्यायले बिगतमा हुने गरेका कर्पोरेट फ्रड र आजकल हुने गरेका कर्पोरेट फ्रडका बारेमा प्रकाश पारेका थिए ।

यस्तै नेपाल राष्ट्र बैंकका पूर्व गभर्नर युवराज खतिवडाले कर्पोरेट फ्रडमा नियमनकारी निकायको भूमिकाका बारेमा प्रकाश पारेका थिए । साथै उनले देशमा विभिन्नखाले नियमनकारी निकाय भएकाले एउटा नियमनकारी निकायले अर्को नियमनकारी निकायलाई साथ र सहयोग गर्नुपर्नेमा जोड दिएका थिए ।

कार्यक्रममा बैंक अफ काठमाडौँका प्रमुख कार्यकारी अधिकृत शोभन देव पन्तले पछिल्लो समय भएका विभिन्न कर्पोरेट फ्रडका बारेमा प्रकाश पारेका थिए ।

जगदीश भट्टराइले कर्पोरेट फ्रडमा लेखापालको भूमिकाका बारेमा प्रकाश पारेका थिए । करिव २०० बढीको सहभागीता रहेको थियो ।

कार्यक्रममा उपस्थितहरुले विभिन्न संस्थाले बनाउने दुइखाले वित्तीय प्रतिवेदन, कर्पोरेट फ्रडमा, अख्तियार दुरुपयोग अनुसन्धान आयोग, आन्तरिक राजश्व विभाग, र नेपाल राष्ट्र बैंकको भूमिकाका बारेमा सोधेका थिए ।