नबिल बैंक र फिनलिट नेपाल बीच सम्झौता



काठमाडौं । नबिल बैंक र फिनलिट नेपाल बीच लमजुङको बेशिसहरमा आर्थिक साक्षरता सचेतना कार्यक्रम सञ्चालन गर्ने सम्झौता भएको छ ।

त्यसकालागी नबिल बैंकका नायब महाप्रबन्धक रमेश प्रसाद लोहनी र फिनलिट नेपालका सञ्चालक प्रकाश कोइरालाले सहमती पत्रमा हस्ताक्षर गरेका हुन् । यस कार्यक्रम अन्तर्गत नबिल बैंकले फिनलिट नेपालसँग सहकार्य गरी बेशिसहरका दश स्कुलहरुबाट आर्थिक साक्षरता सचेतना कार्यक्रम सञ्चालन गर्नेछ ।

कक्षा ७ देखि १० सम्मका विद्यार्थीहरुलाई लक्षित गरेर आर्थिक साक्षरता सचेतना कार्यक्रम सञ्चालन गर्ने हस्ताक्षर पछि जारी बिज्ञप्तीमा उल्लेख छ ।

नबिल बैंकले आफ्नो संस्थागत सामाजिक उत्तरदायित्वको एक अंशको रुपमा शैक्षिक कृयाकलाप, विज्ञान तथा प्रविधी, स्वास्थ्य, साहित्य तथा कला आदि क्षेत्रमा सहयोग प्रदान गरी विभिन्न सामाजिक कल्याणका काममा निरन्तररुपमा प्रतिवद्धताका साथ लागि परको जनाएको छ ।


क्लिकमाण्डू