माघ १४ देखि २४ गतेसम्म चौथो नुवाकोट महोत्सव हुने

क्लिकमान्डु २०७३ पुष २ गते १२:०२ मा प्रकाशित

त्रिशूली । ‘धार्मिक तथा ऐतिहासिक नुवाकोटको पहिचान, कला संस्कृति सम्र्वद्धन र समुन्नत नुवाकोट हाम्रो अभियान’ भन्ने मूल नाराका साथ चौथो नुवाकोट महोत्सव आगामी माघ १४ देखि २४ गतेसम्म हुने भएको छ ।

आयोजक नुवाकोट उद्योग वाणिज्य संघले आज यहाँ आयोजना गरेको पत्रकार सम्मेलनमा आर्थिक, उपार्जन, व्यावसायिक समृद्धता तथा आन्तरिक एवं बाह्य पर्यटन भित्र्याउने लक्ष्यका साथ यस वर्ष महोत्सब आयोजना गर्न लागिएको सङ्घका अध्यक्ष ताराबहादुर कार्कीले बताए ।

बट्टार बसपार्कमा सञ्चालन हुने महोत्सवले नुवाकोट हुँदै चीन जोड्ने नाका सञ्चालनमा आएकाले जिल्ला औद्योगिक केन्द्रका रुपमा विकास गर्न सहयोग पुग्ने अपेक्षा राखेको छ ।

महोत्सवले विस्थापन हुँदै गएका कुमाल र माझी जातिको कलासंस्कृतिको संरक्षण तथा सम्वद्र्धन गर्ने, नुवाकोटलाई पर्यटन मार्ग बनाउने र जिल्लामा लगानी भित्र्याउन भूमिका खेल्ने सङ्घका महासचिव दीपक कायस्थले बताए । महोत्सव सञ्चालनका लागि ११ सदस्यीय मूल कार्यसञ्चालन समिति तथा विभिन्न उपसमिति गठन गरिएको छ । रासस

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स