एजेन्सी । चीनको राजधानी बेइजिङमा अविरल वर्षाका कारण आएको बाढीमा परेर ३४ जनाको मृत्यु भएको त्यहाँका अधिकारीहरूले बताएका छन् ।
मियुन क्षेत्रमा बढी क्षति पुगेको छ । त्यहाँ मात्र २८ जनाको मृत्यु भएको हो । त्यो मुख्य शहबाट निकै टाढा रहेको छ ।
सोमवार रातभरि मुसलधारे वर्षा भएको हो । वर्षाका कारण विस्थापित भएका ८० हजारभन्दा बढी मानिसलाई बेइजिङ ल्याइएको छ ।
त्यस्तै सोमवार आएको पहिरोका कारण खबे प्रान्तको लुआनपिङ काउन्टीको ग्रामीण क्षेत्रमा चारजनाको मृत्यु भएको छ । अन्य आठजना हराइरहेका छन् । सञ्चार प्रणाली ठप्प भएकाले मानिसहरूले आफन्तसँग संवाद गर्न पाएका छैनन् ।
सोमवार मध्यरातमा बेइजिङमा १६ सेन्टीमिटरभन्दा बढी पानी परेको थियो । मियुनमा त भरन् ५४ सेन्टीमिटर पानी परेको थियो ।
मियुनमा रहेको जलाशयमा जलस्तर अत्यधिक बढेपछि अधिकारीहरूले पानी छोडेका थिए । तल्लो तटीय क्षेत्रमा रहेका मानिसलाई नदीहरूबाट परै बस्न अधिकारीहरूले आग्रह गरेका छन् ।
पानीसँगै आएको आँधीले बेइजिङमा रहेका १३० भन्दा बढी गाउँमा बिजुली गएको छ । कम्युनिकेशन लाइनहरू ध्वस्त भएका छन् । सडकका ३० भन्दा बढी खण्डहरूमा क्षति पुगेको छ ।
भीषण बाढीका कारण कारहरू बगेका छन् । मियुनमा बिजुलीका खम्बाहरू लडेका छन् ।
DANGEROUS floodwaters rage in Miyun, China
— RT (@RT_com) July 29, 2025
SWALLOWING cars, even ambulances drift in the chaos pic.twitter.com/HcGhiuElWu
प्रतिक्रिया