कृषि विकास बैंकको सीईओका लागि २२ जनाको आवेदन

काठमाडौ । कृषि विकास बैंकमा रिक्त रहेको प्रमुख कार्यकारी अधिकृत (सीईओ)का लागि २२ जनाको आवेदन परेको छ ।

खुला प्रतिस्पर्धात्मक प्रतियोगिताबाट पदपूर्ति गर्नका लागि आवेदन माग गरिएकामा आइतबारसम्म २२ जनाको आवेदन परेको बताइएको छ । बैंकले पुस २५ गते सीईओका लागि २१ दिनभित्र आवेदन दिन भनिएको थियो ।

बैंक तथा वित्तीय संस्था सम्बन्धी ऐन, २०७३ र बैंक तथा वित्तीय संस्थाका सञ्चालक र कार्यकारी प्रमुखको नियुक्तिका लागि आवश्यक योग्यता तथा कार्य अनुभव सम्बन्धी विनियमावली २०७४, नेपाल राष्ट्र बैंकको एकीकृत निर्देशन र कृषि विकास बैंकको सीईओ पदपूर्ति सम्बन्धी कार्यविधि, २०७९ का आधारमा आवेदन माग गरेको थियो ।

आवेदन दिएकामध्ये सर्ट लिस्ट तयार पारेर अर्थ मन्त्रालयले मन्त्रिपरिषदमा नाम लिस्ट पठाउने छ । त्यसपछि मन्त्रिपरिषदले सीईओ नियुक्त गर्नेछ ।