काठमाडौं-२ की विजेता गौतम भन्छिन्ः विजय र्याली गर्दैनौ, चौतारीमा बसेर गफ गर्छौ
काठमाडौं । काठमाडौं क्षेत्र नम्बर २ बाट निर्वाचित राष्ट्रिय स्वतन्त्र पार्टीकी उम्मेदवार सोविता गौतमले विजय र्याली नगर्ने घोषणा गरेकी छिन् ।
उनले सामाजिक सञ्जाल मार्फत विजय र्याली नमनाउने घोषणा गरेकी हुन् । उनले सर्वसाधरणलाई असहज हुनेगरी विजय र्याली नमनाउने तर निर्वाचन कार्यलय, थलीमा जम्मा हुने र चौतारीमा बसेर गफ गर्ने जानकारी गराएकी छिन् ।
उनले भनेकी छन्,‘सबैजनालई सादर अनुरोध छ, आम सर्वसाधरणलाई असहज हुनेगरी हामी ठूलो तडकभडक गर्ने छैनौं, मोटोरसाइकल र्याली गर्ने, हर्न बजाउने आदि कृत्य गर्ने छैनौं । अधिक संयमका साथ हामी हाम्रो निर्वाचन क्षेत्रका केही ठाउँमा जम्मा हुनेछौं र सबैजनालाई धन्यवाद दिनेछौं । प्रतिस्पर्धी साथीहरु तथा फरक मत राख्ने मतदाताको आत्मसम्मानमा ठेस लाग्ने गरी कुनै वक्तव्य दिनेछैनौं । ’
क्लिकमान्डु
